Dialekmes 2019

10e  Dialecmès groeët succes
Carnavalszondig d’r 3emaart woar ’t al vreug druk in de P&P kirk op d’r Sjeet. Lang vuurdat de mès begos woare al alle plaatsje bezat. D’r köster houw wer gezurgd vuur ing prachtig en kluurieek verseerde kirk. De sjtimmung zoot mit al die verkleide luu en de moeziek van Sjpasskapel ‘Mit de moel d’ra’en ’t duo de ‘Kortiszonen’al vreug d’rin. Op de toeëne van d’r Fesswiesenmarschwoeët zieng Durchlustige Hoeëgheed Prins Mathijs I van Groeët Sjaasberg en Jeugdprins Jayden I mit hun gevolg moezikaal noa vuure begeleid. Alle hoeëwaardighede oet d’r Sjeeter vasteloavend en d’r Landgraafse politiek o.l.v. d’r Burgemeester en ‘t gemindebesjtuur woare doa. Mit ’t indrukwekkende Sjaasbergs volksleed ‘Miene Sjeet’woeët d’r start gegoave vuur de mès. Onger ’t zeenge durch ’t Marleen Rutten van ’t themaleed ‘Laache duit dich laeve’ koam och ozze Pastoeër d’r Freek Jonge same mit d’r kaploan en de akoliete noa ’t altaar. ‘t Woad va welkom durch d’r pastoeër zoot nit alling vol humor, mar houw och ing boodsjap die aasjloot bij ’t thema van de mès. Och in d’r preëk deë gans op rijm woar samegesjteld hool d’r pastoeër de luu inne sjpeegel vuur.
Jieëkerinne kint waal die momente in ‘t leëve die allerlei geveulens oprope en die daan die handele bepale. Doe kans winne of verleeze, gouwe zin han of koad zieë, danse en sjpreenge. Vieër kinne os d’r ganse daag zurg blieve make uuver deenger die os rake. Mar vergeët och nit um giddere daag effe te lache want lache dich deed leëve. Noa de mès sjtonge de poeffele en d’r kaffie wer kloar en och woar d’r gezurgd vuur ee lekker glaas beer. Dat alles durch de genereus bijdrage van gans get sjponsore en d’r pastoeër hat mit dees dialecmës wer bij gans veuel luu de juuste sjnaar wete te rake.

11 joar dialecmès

Komend joar zal de dialecmés vuur de 11ekieër georganiseerd weëde. Natuurlik weët vuur die jubileumeditie get gans biezongesj doavan gemakt. ’t Marleen Rutten hat al aagegoave dat ’t doa wer geer bij zou wille zieë juus umdat het zelf zoeë gerakt woeët durch de mës. Vuur ’t Fèskomité Sjaasberg Waggeltis ’t nit alling ing ieër, mar och ing oeetdaging um same mit d’r Pastoeër vuur de jubileummès op carnavalszondig 23 fibberwaar 2020 get sjpeciaals te mage make.

Vol kirk mit Esjgoonsdig
Op esjgoonsdig woare noa drei daag van sjpass en plezeer wer veuel luu d’rbij. Och die viering woeët oeetgeveurd mit sjtimmige leedjes van d’r Ronald Scipio en ‘t Susanne Schmitz. De carnaval woar ing tied van sjpass en oeetbundig plezeer. Mit de esjgoonsdigviering woeët ing tied aagekondigd um ’t get ruïgger aa te doeë, um os zoeë te bezinne en os iggetoage vuur te bereide op de Poasje.

Namens ’t FèskomitéSjaasberg Waggelt,
Frans Bremen

Hits: 104